 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Перад цудам навагодняй казкі
Дзеці самі выбіраюць маскі.
Верхалазу-жэўжыку – на сёмы...
Модніцы маленькай – пяты год.
Ды зь якой прыдумкаю вясёлай
Строіцца касьцюм на карагод!
Будзе шэры воўк і кот вучоны,
Рыжая ліса і Віні Пух.
А для маскі зьедлівага чорта
Дзед для ўнука вывернуў кажух.
Сьвет маленства шумны і стракаты.
Са старой, як існасьць, даўніны –
Ладзяцца каўбоі і піраты,
Кракадзілы, зьмеі і сланы.
Перад сьвятам навагодняй казкі
Дзеці самі выбіраюць маскі,
Сьмела пазьбягаючы апек...
Ім сягоньня, пэўна ж, невядома,
Што сьвядома йшчэ і несьвядома
Носіць маску толькі чалавек!
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
